返左黎香港...尋晚同ANNA吹水吹到3點...

返到屋企...沖完涼又唔想訓...難得放大假嘛...梗係要放縱下自己啦...XDDD...睇書睇到5點幾...終於頂唔順訓左...一訓就訓到3點幾...但係個人仲係好攰咁...

約左爸爸去睇大丈夫2+食飯, 遲開到既我依然係遲到...約左6點奧海城等既我...6點既時候仲喺屋企, SORRY呀爸爸, 下次唔敢啦

因為遲到既關係, 要睇8點果埸, SO 我地就醫肚先啦, 去左間唔記得左係咩名既日本野度食, 叫左好多最愛既帶子, 嘿嘿...

食飽飽之後...去左個平台既地方, 研究我喺台灣帶返黎俾爸爸既手信...一本係有"深度"既書...另一本係得啖笑既書, 仲有其他濕碎野...唔知爸爸滿唔滿意呢?

大丈夫2係一套喜劇,內容係講D男人點滾點樣呃老婆... 第一集我無睇過丫...但係因為第一集同第二集關連性唔係好大...都明講咩...

但係點解...明明係一套喜劇, 我會睇到流晒眼水?? 唔好誤會...唔係笑到標眼水...係喊...有D位真係幾SAD架...我諗我可能真係唔適合再睇電影...@@...點都好啦...呢套都係叫做有D內容, 有笑位有喊位既戲, 港產片黎講, 都叫做唔錯架勒...

睇完戲之後, 喺平台餅左一陣, 爸爸送左我去搭地鐵, 各自各歸家...

好快咁返到美孚, 但唔想返屋企, 本來係地鐵站行返屋企, 我用左一個鐘...

坐下行下諗下野聽下歌...做左一個好唔開心既決定...唔知係岩定錯...對方無回應...